કથક્ક્લી

 

કથક્ક્લીની કથા એક:

શ્યામસુંદરી નક્રતુંડી ભગિની

નરકાસુર દૈત્ય કેરી.

કીધો જઘન્ય અપરાધ

ઈન્દ્રપુત્ર જયંત વાંચ્છ્યો-ચાહ્યો

અપાર.

 

તું શ્યામ, હું ગૌર વર્ણ.

તું અસુર, હું સોર.

તું શૂદ્ર, હું સવર્ણ.

તું દાસ, હું સ્વામી.

તું નરકવાસિની, હું સ્વર્ગઅધિપતિપુત્ર.

તું પાતાળલોક, હું સ્વર્ગલોક...

તારો મારો સંયોગ ન કડી સમભાવ.

કર્યો તેં અનધિકૃત પ્રવેશ સ્વર્ગમધ્યે,

ન સ્થાન તારું અત્રે .

જા, ભાગ, અન્યથા નિશ્ચિત વધ

તારો.

 

કથા કથક્ક્લી કેરી

પુનર્જન્મ પામતી યુગેયુગે.

આજે પણ એ જ કથા-વ્યથા

શ્યામસુંદર

દલિત કન્યા કેરી.

 

(કવિતાસંગ્રહ ‘કવિનો અવાજ’,૨૦૦૯માંથી )