નો વન કિલ્ડ જેસિકા લાલ

 

 

ફિલ્મ બને છે ,

જેસિકા લાલની હત્યા પર...

નો વન કિલ્ડ જેસિકા લાલ...

નો પ્રોબ્લેમ,

રોષ છે ભારોભાર,

શર્મા જેવા કાતિલો પર

અમને પણ.

નિર્દોષ છૂટી ગયો હતો

પુરાવા સાક્ષીને અભાવે.

હોબાળો મચ્યો ચોમેર.

નો પ્રોબ્લેમ,

અમે પણ જોડાયા મીડિયાસાથે,

એન.જી.ઓ.સાથે,

સજા થવી જ જોઈએ ,

આવા કાતિલ નશાખોરોને

કેસ રિઓપન કરાવ્યો,

સજા થઇ.

દલિતો પર હત્યાકાંડ અગણિત.

આગ અને હીજરાતો અગણિત –

ખૈરલાંજી , ગોલાણા અગણિત .

નિર્દોષ છૂટ્યા અગણિત.

રિઓપન કરાવ્યો કેસ કોઈએ ક્યારેય?

ક્યારેય કોઈ ફિલ્મ

બનાવવાનો વિચાર આવ્યો કોઈને?

નો પ્રોબ્લેમ,

નો વન કિલ્ડ જેસિકા લાલ...પણ

કોણે હણી લીધો છે દલિતનો આત્મા?

 

(કવિતાસંગ્રહ ‘નિષાદ’ ૨૦૧૨માંથી)