રોટી દરેકને જોઈએ,
રોજ જોઈએ,
પણ રોટીની વાત કોઈ કરતા નથી.
કવિ શરમાય રોટીની કવિતા કરતાં.
માર્કેટ ઇકોનોમીની વાત કરે અર્થશાસ્ત્રી.
માણસના વર્ગો પાડે સમાજશાસ્ત્રી,
અવકાશ સંશોધન કરે વિજ્ઞાની.
ઈતિહાસવિદ રોટી ઇતિહાસ લખતા નથી
કોઈ રાષ્ટ્રે રાષ્ટ્રધ્વજમાં
રોટીનું ચિહ્ન રાખ્યું નથી.
હું પણ રોટીની આટલી જ વાત કરી
-ઇતિ સિદ્ધમ્ કરું
રોટી દરેકને જોઈએ
રોજ જોઈએ
પણ રોટીની વાત કોઈ કરતા નથી.
No comments:
Post a Comment