અસ્મિતા

કોની અસ્મિતા?

કેવી અસ્મિતા?

ક્યાં અસ્મિતા?

વેદનામય ઈતિહાસમાંથી

કેમ શોધવી અસ્મિતા?

ન કોઈ પરશુરામ થયા,

ન કોઈ યુદ્ધ લડ્યા-જીત્યા,

પરાજય સહ્યો મૂક જિહ્વાએ

ન હરફ ઉચ્ચાર્યો  કદી,

ફૂલે-આંબેડકર થયા પહેલાં .

કોની અસ્મિતા?

કેવી અસ્મિતા?

ક્યાં અસ્મિતા?

ન અમારી ભાષા- ન કાવ્યધારા,

ન વસ્ત્ર- ન પહેરવેશ,

ન અન્ન- ન સેવન કોર્સ ડીનર,

ન એટીકેટ- ન રહ્યા મનુષ્ય ,

સમગ્ર ઈતિહાસ આયુષ્યે,

ફૂલે-આંબેડકર થયા પહેલાં.

કોની અસ્મિતા?

કેવી અસ્મિતા?

ક્યાં અસ્મિતા?

ન ધર્મ- ન મંદિર- ન ઈશ્વર,

બેવડી કમર- ઊંચે આકાશ ક્યાં જોયું?

ફૂલે-આંબેડકર થયા પહેલાં.

હાથમાં ઝાડુ- માથે મેલું,

કેડ્યમાં પાટુ -પૂંઠે ખાસડું

ફૂલે-આંબેડકર થયા પહેલાં.

કોની અસ્મિતા?

કેવી અસ્મિતા?

ક્યાં અસ્મિતા?

ફૂલે-આંબેડકર થયા પહેલાં.